Rede de Bibliotecas de Galicia

Rosa caramelo / [texto] Adela Turín ; [ilustracións], Nella Bosnia ; [tradución do italiano, G. Tolentino] por Turin, Adela

Publicación: Pontevedra : Kalandraka, . [32] p. : 28 cm.

Rosa caramelo é a cor das femias no país dos elefantes, que teñen que ser bonitas para poder casar de maiores; pero Margarida, aínda que fai todo o que lle mandan para ter ese aspecto, segue a ser da mesma cor gris que os machos. Cando os seus pais dana por perdida, Margarida consegue a liberdade para ser ela mesma e convértese nun exemplo para as demais elefantas. Engadida 24/01/2023 por Iria C.

Unha feliz catástrofe / Adela Turín, Nella Bosnia ; [traducción, G. Tolentino] por Turin, Adela

Publicación: Pontevedra : Kalandraka, . [36] p. ; 28 cm

Neste conto un suceso inesperado sacode a unha familia de ratos na que os roles de xénero que impón a sociedade están moi marcados nas figuras da nai e do pai, o que os levará a vivir unha nova vida chea de aventuras na que descubrirán que poden ser máis felices esquecendo todo o que se supón que deben facer e aprendendo cousas que nunca imaxinaran. Engadida 24/01/2023 por Iria C.

Artur e Clementina / Adela Turín ; [ilustracións, Nella Bosnia ; tradución, Eva Almazán] por Turin, Adela

Publicación: Pontevedra : Kalandraka, . [40 p.] : 22 x 27 cm.

Artur e Clementina son dúas tartarugas que se coñecen e casan rapidamente. Ao principio todo son ilusións para Clementina, que soña cunha vida emocionante ao lado de Artur, quen tamén semella feliz coas ideas da súa parella. Porén, non pasará moito tempo até que Artur comece a amosar unha actitude moito menos comprensiva e animosa que poñerá a proba o amor propio de Clementina e a súa relación. Engadida 24/01/2023 por Iria C.

Invisibles / dirigida por Gracia Querejeta ; guion, Antonio Mercero, Gracia Querejeta ; música, Federico Jusid

Publicación: [Barcelona] : Cameo . 1 videodisco (DVD) (ca. 84 min., [15 min. extras]) ; 12 cm

Tres mulleres de arredor de 50 anos quedan un día á semana no parque para camiñar mentres se poñen ao día.

As distintas personalidades de cada unha, a liberdade coa que intercambian opinións sobre as cousas que lles pasan, a filosofía con que lles fan fronte ás críticas das outras, pero tamén os desencontros que isto provoca entre elas fan que me quede enganchada a este filme de Gracia Querejeta, aínda por segunda vez.

Todo sustentado polas cativadoras actuacións de Adriana Ozores, Emma Suárez e Nathalie Poza á hora de presentarnos estas historias do día a día, cheas de intriga, que animan a conversa unha vez acabada a película. Engadida 24/01/2023 por Iria C.

Aprendívoros : el cultivo de la curiosidad / Santiago Beruete por Beruete, Santiago

Publicación: Madrid : Turner . 367 p. ; 22 cm

A obra interesará tanto a quen busque ser máis consciente da sociedade na que vivimos e precise de respostas sobre como facerlle fronte aos desafíos que esta nos presenta, como moi especialmente ás mestras e profesores do futuro que desexen exercer a súa profesión desde o compromiso e coa vontade de cambiar as cousas.

En calquera caso, na base das moitas ideas expostas no libro está a de que vivir unha vida plena pasa por deixar atrás a nosa visión antropocéntrica do mundo e dirixir a mirada cara a natureza da que somos un elemento máis e da que ademais podemos obter importantes ensinanzas, porque outra das claves do libro está en que unha vida satisfactoria pasa por estar abertas a aprender cada día.

Ao final de cada capítulo o autor ofrécenos un agasallo en forma de bibliografía que nos permitirá afondar naqueles temas que máis esperten a nosa curiosidade. Aquelas persoas que vaian comezar a dar clases agradecerán especialmente o titulado «Carta a alguien que se inicia en el oficio de cultivar personas», que será tamén un bo refuxio ao que volver nos momentos de desánimo. Engadida 24/01/2023 por Iria C.

El ojo del fotográfo : composición y diseño para crear mejores fotografías digitales / Michael Freeman ; [traducción y revisión de la edición en lengua española, Francisco Rosés Martínez]. por Freeman, Michael

Publicación: Barcelona : Blume, . 192 p. : 27 cm.

Cando che gusta moito tirar fotografías pode chegar un momento en que sintas que necesitas adquirir un pouco de coñecemento para saber que o que fas non está de todo mal e para gozar máis da experiencia.

Este libro é unha boa recomendación para alguén que se atope nesa situación, porque nel se recollen os principios básicos de composición e deseño de fotografías.

A obra está dividida en seis capítulos (encadramento, base do deseño, elementos gráficos e fotográficos, composición con luz e cor, e propósitos e proceso) nos que os conceptos asociados a cada tema se tratan de maneira clara e concisa nun par de páxinas.

O mellor de todo é que o libro inclúe moitas imaxes de exemplo, que axudan moito a entender e asimilar os conceptos. Ademais, ten o valor engadido de que non hai moitos libros deste tipo. Engadida 24/01/2023 por Iria C.

El acontecimiento / Annie Ernaux ; traducción de Mercedes y Berta Corral por Ernaux, Annie

Publicación: Barcelona : Tusquets, . 119 p. ; 22 cm.

Annie Ernaux relata en El acontecimiento a súa experiencia co aborto clandestino na Francia dos anos sesenta do século pasado, a soidade e a incomprensión dunha sociedade que se desentende ante a desgraza que supón o embarazo para tantas mulleres.

A autora utiliza unha linguaxe precisa e sinxela, desprovista de calquera artificio ―porque o que importa é a historia― nunha narración na que toma distancia á hora de comunicar as sensacións desa época, pero na que se intercalan ―entre paréntese― as reflexións e as emocións que sobre o vivido aparecen no momento da escritura.

Á marxe de posturas persoais ante a intervención voluntaria do embarazo, resulta difícil non sentir, polo menos, un profundo respecto ante a serenidade e a determinación de quen continúa adiante a pesar das trabas e das penalidades que lle poden impoñer e, sobre todo, sabendo que a súa vida corre perigo. Engadida 24/01/2023 por Iria C.

O cervo e a sombra / Diego Ameixeiras por Ameixeiras, Diego

Publicación: Vigo : Edicións Xerais de Galicia . 153 p. ; 23 cm

Moitas veces buscamos coas nosas lecturas achegarnos a realidades diferentes a nosa, parécenos máis atractivo o exótico, mais o certo é que nesa decisión tamén hai, en moitas ocasións, a intención inconsciente ou non de manternos a salvo. Non sempre é doado enfrontarnos ao que nos rodea e especialmente as súas caras máis escuras.

A lectura do último libro de Diego Ameixeiras busca remover os nosos espíritos coas súas frases, intensas, poéticas, oníricas e que agochan mensaxes para descifrar. Asisto ao deambular cinematográfico do protagonista polas rúas de Ourense coas emocións na boca do estómago, descubrindo a cidade na que vivo, pero sobre todo agardando para el a redención definitiva.

Non saio indemne da lectura desta novela, pero paga a pena porque hai moita verdade e moito corazón postos na súa escritura e porque no coñecemento do que está próximo, mais case sempre oculto, atopo o meu propio recoñecemento. Engadida 24/01/2023 por Iria C.

Cuando era divertido / Eloy Moreno. por Moreno, Eloy

Publicación: Barcelona : Ediciones B, . 293 p. ; 24 cm.

Bárbaro, disfruté de principio a fin. Engadida 21/01/2023 por Marta G.

El secreto de las fiestas / Francisco Casavella por Casavella, Francisco

Publicación: Barcelona : Anagrama . 234 p. ; 22 cm

Historia dramática e á vez moi divertida. O protagonista é un personaxe do máis ocorrente e orixinal. A forma de narrar introduciume totalmente na trama de principio a fin. Engadida 17/01/2023 por Isabel S.

Esperando al diluvio / Dolores Redondo por Redondo, Dolores

Publicación: Barcelona : Destino . 572 páxinas ; 24 cm

Me gusta mucho cómo escribe Dolores Redondo. Una vez dicho esto, ésta es, en mi opinión, su mejor novela; un salto en calidad narrativa, en el vértigo de la trama, en los personajes fabulosos que la protagonizan.

Engadida 09/01/2023 por Marta G.

La caja azul / José Antonio Ponseti por Ponseti, José Antonio

Publicación: Barcelona : Suma de Letras . 319 p. ; 24 cm

Entretido e fácil de ler. Engadida 05/01/2023 por Javier R.

Con estas manos. I : los años de acero / Marco Valerio Lama por Lama del Corral, Marco Valerio.

Publicación: [S.l.] : Cosecha negra . 601 p. ; 24 cm

Brutal! Moi explícito. Por momentos faite sentir realmente mal polas crudas descripcións do Holocausto! Engadida 05/01/2023 por Javier R.

My hero academia / Kohei Horikoshi ; [traducción: Ayako Koike] por Horikoshi, Kōhei

Publicación: Barcelona : Planeta . v. ; 18 cm

Debería haber más tomos, porque siempre están prestados y llevo mogollón esperando. solo pude leerme el 1. Engadida 26/12/2022 por Xiana G.

As estacións do lobo / María Reimóndez por Reimóndez, María

Publicación: Vigo : Xerais . 387 p. ; 23 cm

Nesta novela da autora luguesa María Reimóndez, a protagonista trasládase ao estranxeiro coa súa parella, pero, no seu xa de por si difícil proceso de adaptación, non contará co apoio esperado do seu compañeiro, nativo do país.

Pouco a pouco a relación irá mostrando o seu carácter tóxico até deixala completamente paralizada. A través do seu especial vínculo cos cans conseguirá conectar de novo co mundo e tecerá unha rede de amizades que lle axudarán a construír de novo a súa vida desde o amor propio.

Unha obra incómoda, polo tema do maltrato psicolóxico que sofre a protagonista e que comeza na infancia cunha nai que descarga sobre a filla a frustración polo pai ausente, pero proveitosa, especialmente para aquelas persoas dispostas a repensar a maneira en que constrúen as súas relacións de parella.

A narración tamén está chea de consellos para quen queira (des)aprender sobre adestramento canino. Engadida 22/12/2022 por Iria C.

Montevideo / Enrique Vila-Matas por Vila-Matas, Enrique

Publicación: Barcelona : Seix Barral . 300 p. ; 23 cm

Difícil de ler. Engadida 16/12/2022 por Javier R.

Florentino Pérez : el poder del palco / Fonsi Loaiza por Loaiza, Fonsi

Publicación: Madrid : Akal . 182 p. ; 22 cm

Se soamente un 10% do que conta este libro é certo e demostrable, este "señor" fai moito que debería estar na cadea. Engadida 16/12/2022 por Javier R.

Caballo de Troya 12 : Belén, las páginas no publicadas en Caná, Caballo de Troya 9 / J. J. Benítez. por Benítez, J. J.

Publicación: Barcelona : Planeta, . 281 p. ; 24 cm.

Penso que non aporta nada novo na trama da serie do Cabalios de Troia. Engadida 16/12/2022 por Javier R.

Laura no deserto / Anton Riveiro Coello por Riveiro Coello, Antón

Publicación: Vigo : Galaxia, . 726 ; 21 cm.

Fabulosa novela. Recomiendo la lectura. Engadida 13/12/2022 por Cristina S.

La autopista Lincoln / Amor Towles ; traducción del inglés de Gemma Rovira Ortega por Towles, Amor

Publicación: Barcelona : Salamandra . 589 p. ; 23 cm

Impresionante. Toda unha sorpresa. Inesquecibles personaxes, sobre todo Billy Watson. Moi recomendable. Engadida 13/12/2022 por Javier R.