En 2012 conmemorouse o cincuenta aniversario da morte dunha das escritoras fundamentais do século xx, Karen Blixen. Coñecida tamén por un dos seus pseudónimos, Isak Dinesen, regalounos algúns dos mellores relatos da historia da literatura e novelas tan coñecidas como Memorias de África. Ata o de agora pouco sabiamos da súa vida ao seu regreso a Dinamarca, onde, na súa casa de Rungstedlund, escribiu a maior parte das súas obras e centos de cartas que a relacionaban co mundo. Este libro recolle as máis interesantes, as esenciais para coñecer a personalidade desta extraordinaria escritora. A súa vida en Quenia, as discusións cos seus editores e con colegas escritores, a relación cos seus familiares máis próximos e os seus problemas de saúde aparecen nestas páxinas, que son o reflexo da súa apaixonada vida, cuxo eixo fundamental foi a escritura. Para completar este retrato, o libro inclúe un prego con fotos da baronesa ao longo da súa vida.

Tít. orix. : Karen Blixen i Danmark. Breve 1931-1962