Ante o espectro de drásticos recortes que ameazan con perxudicar o seu sosegado e agradable xeito de vivir, os magos da Universidade Invisible de Ankh-Morpork vense na obriga de ceder á vontade de Vetinari, o tirano benévolo da cidade, e reanudar a tradición futboleira da súa venerable institución. Mais coidado ... Non só terán que aprender a dominar as impenetrables técnicas do balompé, formar un equipo en condicións e incluso gañar un partido, senón que tamén terán que facer todo iso sen recorrer á maxia. Afortunadamente, contan coa axuda de catro traballadores da Universidade: Trev, un simpático gamberro que leva o futbol no sangue ; Juliet, unha fermosísima moza algo parva, pero de bo corazón, cuxo debut como modelo revolucionará o mundo da moda; Glenda, a imprescindible cociñeira da quenda de noite; e o facendoso señor Nutt, cuxas orixes son un misterio para todos, incluso para él mesmo. Ao achegarse o día do gran partido estas catro vidas veránse mixturadas e cambiadas para sempre, mentres que o xogo que tanto fervor esperta entre os seus concidadáns quedará sutil pero inconfundiblemente transformado.

Tit. orix.: Unseen academicals