A finais da década dos sesenta, o protagonista, un neno de oito anos, vaise a San Sebastián a vivir cos seus tíos. Alí é testemuña do transcorrer dos días en familia e no barrio: O seu tío Vicente, de carácter feble, reparte a súa vida entre a fábrica e a taberna, e é a súa tía Maripuy, muller de forte personalidade aínda que sometida ás convencións sociais e relixiosas da época, quen en realidade goberna a familia; a súa curmá Mari Neves vive obsesionada polos mozos, e o túzaro e taciturno curmá Julen é adoutrinado polo cura da parroquia para rematar mergullado na incipiente ETA. O destino de todos eles-que é o de tantos personaxes secundarios da Historia, afastados entre a necesidade e a ignorancia-sofrirá, anos despois, un caneo.