Cando semella que a tranquilidade volve a reinar no "country" A Marabillosa, Pedro Chazarreta aparece esganado, sentado no seu sillón favorito, cunha botella de whisky baleira á súa beira e un coitelo con sangue na mán. Todo fai supor que se trata dun suicidio. Pero de contado aparecen as dúbidas. ¿Quizáis algún xusticieiro querería vingar a morte da muller do empresario, asasinada tres anos antes nesa mesma casa? ¿Será ésta a última morte?. "O Tribuno", un dos xornais máis sobranceiros do país, deixa de lado por uns días o seu enfrontamento co goberno para cubrir fondamente a noticia. Ao escenario do crime envia a Nurit Iscar, unha escritora retirada, e a un xornalista xoven e inexperto. E aínda que o antigo xefe da sección Policiais, Xaime Brena, foi desprazado por sacar os pes do prato, decide implicarse no caso e axudar ao seu remprazante e a Nurit, a quen admira en segredo.