Sábado. Seis e media da mañá. Julieta leva esperta dende as seis menos dez, trasfegando pola casa. O primeiro que fixo é desprenderse do pixama, quedar en pelota picada e buscar a súa luva no caixón -as luvas ocupan un lugar importante na súa vida-. Dende a cama oio as súas pisadas polo corredor, en dirección á cociña, e contráenseme as vísceras. Pensar en como quedaron os cuartos polos que pasou inmobilízame física e mentalmente. Por que me terá tocado esta nena a min e non ás infantas Elena e Cristina ou a Catherine Z. Jones?..