Como todas as nenas da súa aldea na Rhodesia dos anos sesenta, Tambú tiña ante ela un destino tan triste como inevitable: traballar no campo, criar fillos... Pero a esta moza chea de confianza en si mesma preséntaselle unha oportunidade de ouro cando morre o seu irmán maior e consegue unha praza para estudar na misión que dirixe o seu tío. Tambú non tarda en decatarse de que non todo é tan fermoso como parece. A súa prima Nyasha, que volveu de Inglaterra chea de ideas propias, acaba cedendo á vontade do seu pai. Tambú comprende que a promesa de educación non é máis que un espellismo se deixa que a súa condición de muller lle impida conseguir os seus sonos.