Desde a fría rexión sueca de Norrland, o mozo Hans Olofson viaxa a Zambia para visitar a tumba dun misioneiro lendario. Deixa atrás unha infancia e unha adolescencia marcadas pola ausencia da nai e, despois, pola morte de dúas persoas moi achegadas. A beleza de Zambia, e sobre todo o seu misterio, enfeitízano até o punto de permanecer no país durante dezaoito longos anos, ao principio movido polos valores da cooperación e a solidariedade. Aos poucos, con todo, convertido en granxeiro, a realidade africana imponlle unha visión da vida completamente distinta, mentres o racismo dos brancos e o odio dos negros vai consumíndoo. Un día, tras atopar cruelmente asasinados aos seus veciños brancos, comprende que os seus días están contados. quedará a loitar ou arroxará a toalla? Hans sabe que quizá poida escapar da sorte que correron os seus veciños, pero non da súa propia desesperación.

Tít. orix.: Leopardens öga