Cando a xornalista Clara Cobián recibe o encargo de viaxar a Nova York para redactar as memorias da gran dama de sociedade Greta Bouvier, non sabe que para cumprir o seu soño de escritora terá que volver enfrontarse á fascinación que lle provoca o seu profesor, Gabriel Hinestrosa, e aos motivos que se esconden tras o repentino regreso á súa vida de quen fose o seu amante. A historia de Greta Bouvier, desde a súa misteriosa aparición no Acapulco de 1951 até a súa luxosa existencia no Manhattan moderno, irase tecendo grazas aos recordos, as intrigas, os rancores e os encomios de quen a acompañaron no seu ascenso á gloria. Pero, de todos eles, só Clara Cobián será capaz de resolver o enigma de Greta e o seu terrible segredo.