Glosario.

Cronología.

No faro dos libros, Adiga fálanos da vida na pequena cidade de Kittur, entre os anos 1984 (asasinato de Indira Ghandi) e 1991 (asasinato do seu fillo Rajiv). O estilo baséase no dunha guía turística "sui generis" onde cada unha das historias trata das persoas de diferentes castes e relixións que poboan a cidade. Bramanes e descastados, musulmáns e cristiáns poboan as súas páxinas; como Xerox un libreiro que fotocopia os exemplares que vai vender e ao que non lle importa ser arrestado en 21 ocasións porque o seu é un oficio mellor que o do seu pai, que apilaba excrementos. Ou Jayamma, a pequena de oito fillas, quen debe porse a traballar porque só tiñan diñeiro para casar ás primeiras, que acaba enganchada ao pegamento e que só se consola coa pequena estatua de Buda que posúe. O autor segue sorprendéndonos cun humor irreverente, ao mesmo tempo que profunda na situación dos máis desfavorecidos e na podremia dun país inmenso, plural e caótico.

Tít. orix.: Between the assassinations