Dicíanse moitas cousas de Maruzza, rumores a voces que quizais explicasen por que a pesar da súa beleza non atopara aínda con quen casar. Maruzza era unha sirena. Pero a historia comeza en realidade con Gnazio, que emigrou a América e volveu a Vigàta tras vinte e cinco anos de ausencia. Só lle faltaba unha muller. Maruzza e Gnazio, a terra e o mar, non viviron unha historia de amor imposible... como tantas outras. Primeiro foi a voda, despois a familia e, ano tras ano, o milagre de conxurar o que parecía contrario, para tantos irreconciliable.