Dúas historias que converxen nunha terceira cuxo fío condutor é a identidade, ou a negación desta, como consecuencia do rexeitamento que se produce no seu ámbito. Jin Wang é un neno de pais chineses nacido nos Estados Unidos, que se ve obrigado a cambiar de cidade e de colexio, onde é o único da súa clase de orixe asiática, exceptuando unha nena de orixe xaponesa coa que apenas se ten relación: non queren converterse no par que todo o mundo asocie. O protagonista enfróntase ao mundo só, co único apoio dos seus Transformers, que lle recordan ao seu antigo fogar, danlle acubillo e sérvenlle de referente para o que podería ser a súa vida futura. A través destes robots cambiantes coñecerá o seu único amigo Wei-Chen Sun, un chinés taiwanés, recén desembarcado ao quen poñerá ao día sobre o american way of life.

Tradución de: American born Chinese