Tras a morte dun colega, do que aínda se culpa, o detective Nate Burke decide dar un xiro radical na súa vida. Para sorpresa do seu superior e dos seus compañeiros do departamento de homicidios de Baltimore, Nate Burke acepta o traballo de xefe de policía no lugar máis inesperado: Lunacy, unha illada cidade de Alaska de só 506 habitantes. Nate pronto descobre que Lunacy non é o aburrido destino que tiña previsto. Esta pequena e unida comunidade está formada polos personaxes máis peculiares, orixinais, coloridos e cálidos que xamais atoparás; especialmente Meg, a indomable piloto de avión que non deixa de sorprendelo. Á parte das súas idiosincrasias e peculiaridades, algunha que outra liorta e disputa e pequenos incidentes con animais salvaxes, parece que nada pode perturbar a harmonía e a tranquilidade de Lunacy. Ata que o descubrimento dun cadáver nas montañas revela que un asasino frío leva vinte anos agochado alí, disposto a matar de novo.

Tradución de: Northern Lights