A familia Brooke reúnese durante catro días na súa mansión inglesa do século XVIII para despedir a Philip, o patriarca en torno ao cal han orbitado as súas vidas. Frannie, a filla maior e herdeira, quere transformar a propiedade nun refuxio natural fronte a un mundo en declive. Milo, en cambio, soña con convertela nun paraíso new age para superricos, mentres que Isa, a irmá menor, distanciada de Philip durante anos, acode ao funeral en plena crise de parella. Os segredos e sentimentos que afloran eses días faranlles reformularse o papel que até ese momento ocuparon na familia.
Albión é unha novela luminosa e profundamente contemporánea que indaga nas dinámicas familiares e nas feridas do colonialismo; nela Anna Hope renova a clásica novela de casa de campo inglesa e fálanos tamén das raíces do privilexio, da responsabilidade que este leva e da importancia dos valores que transmitimos aos nosos fillos.