San Petersburgo, a súa luz, as súas casas e as súas avenidas son o escenario desta apaixonada novela. Nunha desas «noites brancas» que se dan na cidade rusa durante a época do solsticio de verán, un mozo solitario e introvertido narra como coñece de forma accidental a unha rapariga á beira da canle. Tras o primeiro encontro, a parella de descoñecidos citarase as tres noites seguintes, noites nas que ela, de nome Nástenka, relatará a súa triste historia e nas que farán acto de presenza, de forma sutil e envolvente, as grandes paixóns que moven ao ser humano: o amor, a ilusión, a esperanza, o desamor, o desengano.