Joanna Kuciel-Frydryszak escarba na memoria soterrada de varias xeracións de mulleres polacas que se viron sometidas ao traballo duro, constante e invisible do campo durante a primeira metade do século xx. Busca en álbums e correspondencias familiares, en arquivos e en recortes de prensa e escoita os relatos recolleitos polas súas fillas e as súas netas. Un pano para anoar na cabeza ou un par de zapatos remendados unha e outra vez; unha acta escolar incompleta ou os papeis dun matrimonio forzado. Cada achado vai ganduxando a historia desas campesiñas nun retrato polifónico, que revela o contorno de todas as facetas da vida rural e articúlase coa crueza e a precisión que require repensar os legados que herdamos en silencio.

Premio Empik de Bestsellers 2023

Tít. orix.: Chlopki Opowiesc o naszych babkach