Dentro do mundo de Aadilor, hai un lugar oculto chamado o Reino dos Ladróns. Alí, as Mousai, un trío de mortais feiticeiras unidas por sangue e un xuramento, usan os seus poderes para protexer os tesouros do reino.
Niya Bassette posúe o poderoso don da danza, pero tras os seus movementos sedutores ocúltase un escuro secreto.
Cando o infame pirata Alōs Ezra é desterrado do Reino dos Ladróns, este ameázaa con desvelar aquilo que tanto tentou ocultar.
Desesperada, Niya fai un trato con Alōs, pero ao facelo queda atrapada a bordo do seu barco pirata, onde deberá enfrontarse a augas perigosas, unha tripulación sedenta de sangue e á traizón do seu propio corazón.
Pronto, a atracción crecente entre ela e Alōs pon en perigo a súa fráxil tregua e converte a viaxe nunha travesía tormentosa a través de mares abertos. Lonxe do seu reino, Niya vese atrapada nunha danza verdadeiramente perigosa.

Título orixinal: Dance of a Burning Sea