Nun momento en que a cultura audiovisual está máis presente que nunca grazas ás plataformas de streaming e o consumo (masivo e doméstico) de series e películas, este ensaio de David Foster Wallace, un dos máis influentes do autor, vólvese unha lectura imprescindible e atemporal.

Este libro pon o foco no impacto que o imaxinario das series de televisión norteamericanas ten na literatura. Fronte á incapacidade de escapar da súa influencia, o uso da ironía converteuse na única defensa posible. Grazas a esta análise, Foster Wallace perfila ao individuo do século XXI: un ser ancorado a unha pantalla e atravesado pola cultura popular.