A nai de Tue obtivo unha cuantiosa indemnización por un accidente laboral. O diñeiro paga as débedas da granxa e permite comprar novos mobles de xardín. Pero nin o verniz fresco nin o sorriso no rostro da súa nai logran tapar as gretas familiares: o seu pai segue sendo violento e imprevisible, ela está namorada doutro home, e Tue, con apenas dezasete anos, debe cargar co secreto mentres busca o seu propio lugar no mundo. Entre o silencio asfixiante da granxa e a excitante liberdade da cidade, onde vive a súa amiga Iben, Tue empeza a despregar as ás. Alí descobre a amizade, as primeiras festas, a música que fai vibrar o corpo, a promesa dun futuro distinto e a certeza de que ninguén pode impoñerlle un nome ao que sente: a súa identidade será súa e de ninguén máis.

Título orixinal: En dag vil vi grine af det