Juana acaba de cumprir cincuenta anos cando o seu marido, Connor, a deixa tras dúas décadas de matrimonio: comunícallo unha mañá de primavera cun anuncio inesperado, simple e devastador. Así arrinca esta historia. Juana tenta comprender que sucedeu acompañada por Cécile, a súa brillante e descreída amiga, que remisa a todo compromiso adéntrase ela tamén no seu propio labirinto emocional con Marco, un excombatente convertido en policía; ao redor deles despréganse amores intermitentes, segredos familiares e corpos que aínda desexan. Lieke, unha moza investigadora que deixou atrás o seu país e á súa parella e busca o seu lugar no mundo, pecha este círculo de vínculos ao iniciar unha relación con Connor. As tres mulleres, desde perspectivas distintas, deberán achar a súa maneira de habitar a perda e reinventarse sen certezas.
Neste relato íntimo e luminoso, as plantas que crecen, marchitan ou cambian de lugar son testemuñas silenciosas do desamor e o abandono. Cada personaxe, con todo, persegue a luz e unha físgoa para volver xerminar.