Aqueles que viviron cun can saben que a súa presenza alixeira os días e os enche de felicidade. Amigos fieis, cariñosos e intelixentes, cada instante ao seu lado supón unha lección de todo o que merece a pena ser aprendido.
É posible rastrexar o especial vínculo entre cans e homes desde o principio dos tempos, pero un dos exemplos máis fermosos e emocionantes atopámolo na Odisea. Cando Ulises alcanza ao fin as costas de Ítaca, exhausto tras longos anos vagando no mar, o único que o recoñece é Argos, o seu leal can, que todo ese tempo lembrouno e esperouno para o seu último reencontro.
Julia Navarro tamén tivo que despedirse do seu inseparable Argos, un precioso pastor alemán co que compartira alegría e horas de escritura. Moito máis que un libro de dó, é a emotiva homenaxe chea de amor e tenrura que Julia Navarro rende -a través da literatura, a arte, o cinema e a historia- a eses xenerosos compañeiros que nos coidan, queren e protexen durante toda a súa vida.