Abismo é un deus cruel, de cuxo capricho dependen a vida ou a morte, e Misericordia Dagger, verdugo metódico e inflexible, traballa incondicionalmente baixo as súas ordes. Pero a súa obediencia vese posta a proba cando se namora da neta da súa próxima vítima.
Esta novela é unha extraordinaria parodia dos feros tempos actuais, marcados polo delirio de gobernantes autoritarios, irracionais e criminais. Traxicomedia universal, teatraliza cíclicas épocas de terror que anuncian o caos definitivo, ou talvez presaxian un mundo novo.
O protagonista, cortacabezas con visos deliciosamente humanos, conta as súas propias vicisitudes, utilizando un áxil ton de novela gráfica e inaugurando un xénero literario radical, o brutal noir, entre o histórico e o mitológico, o real e o alucinado.
Personaxe inesquecible, Misericordia Dagger se debate cun aprendiz adolescente, o impredicible e hiperviolento Príncipe Sangre, a quen quere legarlle o seu coñecemento do oficio e a súa amada daga, «afiada como a fame e insospeitada como unha muller». Ademais, leva tatuada con lume nas costas a imaxe mítica do enigmático Acéfalo.