Este libro é o incansable intento de Elena Kostyuchenko por documentar a experiencia do seu país a través de quen este elimina sistemática e brutalmente: nenas de pobos recrutadas para o traballo sexual, persoas queer nas provincias, pacientes e médicos dunha maternidade ucraína e reporteiros como ela. Un retrato singular de Rusia tal como é, non como a imaxinamos, e tamén dunha moza que se nega a ser silenciada. En marzo de 2022, como correspondente de Novaya Gazeta, Kostyuchenko cruzou a fronteira con Ucraína para cubrir a guerra. A súa misión era asegurar que os rusos fosen testemuñas dos horrores que Putin cometía no seu nome. Escribiu os seus artigos sabendo que, se regresaba a casa, probablemente sería procesada e condenada a ata quince anos de prisión. Con todo, impulsada pola convicción de que a maior expresión de amor e patriotismo é a crítica, continúa escribindo. Amo a Rusia combina reportaxes do últimos quince anos con ensaios persoais, cunha narrativa caleidoscópica que, segundo Kostyuchenko, podería ser a última obra sobre a súa terra natal que publique en moito tempo, quizais para sempre. Expón o funcionamento interno de toda unha nación que se afunde no fascismo e, inevitablemente, na guerra. Escribe porque a ameaza da Rusia de Putin esténdese máis aló dela mesma, máis aló de Crimea e máis aló de Ucraína.

Gañador do Pushkin House

Título orixinal: I love Russia: Reporing from a Lost Country