Rosalie, unha moza apaixonada do manga dos anos setenta, voa a Xapón. Non sabe moi ben que atopará, pero imaxina que, sobre todo, beleza. Co paso das estacións, a súa visión idealizada de Xapón vai evolucionando. Con todo, e aínda que ferida pola violencia que sofre nunha sociedade patriarcal, Rosalie segue cativada por este país.
Baseada en feitos reais e co eco das lendas xaponesas de fondo, Rosalie compártenos nesta obra o seu percorrido polo país. Cada unha destas páxinas asómanos ao Xapón contemporáneo, tan cheo de claroscuros e que tanta atracción acumula.
«Como podo explicar esta relación particular, chea de contradicións, que desenvolvín con Xapón? Esta mestura incoherente de atracción e rexeitamento?».

Título orixinal: Shiki, 4 saisons au Japon