Teño que atopar a Eric, necesito saber que foi del. Non podo deixalo aquí. De todos os xeitos, aínda teño esperanzas de que estea vivo…
Xa nos imaxinabamos que a misión sería perigosa cando Lord Thomsing nos avisou de que os homes de Irma Dagon estaban en movemento e achegándose a un peligrosísimo espírito, escondido no medio da xungla e protexido por dúas tribos ancestrais moi poderosas. Con todo, foi a advertencia de Benson, que tiña un mal presentimento se nos separabamos, a que máis nos preocupou ao meu mellor amigo e a min. E con boa razón. Naqueles instantes, aínda non sabiamos que ningún dos nosos plans ía saír ben.