Eliot Weiner é brillante, doutoramento en Columbia, licenciado en Harvard, apaixonado da danza Morris, experto no moi esquecido presidente Warren Harding e, sobre todo, un ser humano mesquiño, ridículo e desesperado. Tras obter unha bolsa de investigación, descobre que a clave para a súa futura gloria académica xace nun baúl repleto de cartas eróticas do vixésimo noveno presidente dos Estados Unidos. A gardiá do tesouro é Rebekah Kinney, a anciá e formidable amante de Harding, atrincheirada nunha mansión decadente de Hollywood. Pero o que empeza como unha pescuda historiográfica convértese nunha espiral de obsesión, vergoña allea, delirio sexual reprimido e autoengano puro. Elliot Weiner cruzará a liña do cómico, do patético e do miserable, nunha obra mestra na que se dan a man a sátira política, a cultura pop e o máis desapiadado retrato da América decadente.