Este ensaio propón unha interpretación emancipadora do cristianismo, que o entende non como dogma nin fundamentalismo, senón como forza transformadora enraizada na mensaxe evanxélica e na dignidade humana. Baixo a inspiración de Dietrich Bonhoeffer e unha hermenéutica crítico-liberadora, articúlase un cristianismo radical que enfronta os grandes retos contemporáneos: a pobreza, o neoliberalismo, o patriarcado, o colonialismo, a destrución ambiental e os fundamentalismos. O libro expón un cristianismo comprometido coa xustiza social, feminista, ecolóxico, pacifista, hospitalario, intercultural e contrahexemónico, capaz de ofrecer alternativas políticas, éticas e espirituais fronte aos discursos de odio e ás crises do presente.