Colin Ward, un dos principais pensadores anarquistas da segunda metade do século XX, foi tamén un observador incansable da historia social da planificación e a vida urbanas: dedicou máis de vinte libros ás formas populares e non oficiais de construción e manipulación da cidade. As intervencións recollidas nesta antoloxía documentan as súas reflexións sobre arquitectura e urbanismo, realizadas coa precisión do erudito, a frescura do autodidacta e a paixón do militante. A mirada irregular e participativa de Ward —adiantado ao seu tempo na súa capacidade para vincular estreitamente arquitectura e ecoloxía— rastrexa as «sementes baixo a neve» dunha posible xenealoxía de prácticas construtivas alternativas, vinculando as experiencias e figuras máis dispares: desde Bernard Rudofsky ata os canteiros da Idade Media, desde Giancarlo De Carlo ata as «paisaxes improvisadas» do sur de Inglaterra, sen esquecer aos autoconstrutores de todos os tempos.

Tradución de: Architettura del dissenso : forme e pratiche alternative dello spazio urbano.