Nun pobo esquecido de calor atafegante, unha folga no cemiterio fai que as moscas ocupen cada recuncho ensuciándoo todo. Unha moza deforme crece baixo a crueldade dunha nai ausente —dona e señora— e un pai débil que mira ao río, ata que a chegada de dous forasteiros coas súas biblias trastorna a orde do lugar. Cunha prosa envolvente, Luciana De Luca mergúllanos nunha historia que incomoda, devora e deixa unha marca indeleble.