Un diario atopado nun moble arquivador do escritorio de Didion tras a súa morte, descúbrenos uns textos nos que a autora conta as sesións cun psiquiatra, dirixidos ao que fora o seu marido, John Gregory Dunne, falecido en 2003. As entradas do diario van desde decembro de 1999, cando Didion comezou a terapia, e abordan unha gran cantidade de temas, desde o alcoholismo, a depresión, ansiedade, a culpa e a adopción. Pero tamén a súa relación coa súa filla Quintana diagnosticada dun trastorno límite da personalidade. Unha aguda reflexión sobre as accións propias en loita coa emoción coa que trata todos estes temas. Doloroso e valente.
A obra pódese considerar un peche da triloxía formada coas dúas anteriores da autora, O ano do pensamento máxico e Noites azuis.