Menos coñecido pola súa obra de non ficción, Salter foi publicando ao longo de moitos anos en diversos periódicos e revistas que permiten formarse unha idea cabal do seu fascinante universo literario. Difíciles de atopar, unha parte deses textos foron reunidos polo propio Salter no volume En otros lugares, que se completa agora con No guardar nada.
Recompilación póstuma, este libro componse de entrevistas con escritores, crónicas de viaxe, deportivas e de outras materias tan diversas como a beleza do mundo natural, os médicos responsábeis do primeiro corazón artificial, os seus días como piloto de caza, os códigos de honor que aprendeu en West Point e a súa experiencia como guionista de Hollywood, ao que se suman as súas lúdicas reflexións sobre a arte da escritura e mordaces perfís de autores que admiraba.

Tít. orix.: Don't Save Anything