Cabe pensar que a ética non satisfai fin algún neste mundo e que ser moral non entraña vantaxe. Con todo, si hai un sentido para a razón práctica. Unha ética da razón ofrece os principios universais mínimos que garanten a convivencia entre individuos, e o rendemento último da razón práctica nos nosos actos eríxese en salvagarda dos límites esenciais do home, é dicir, da dignidade ou ‘condición humana’. A partir desta premisa, o profesor Norbert Bilbeny aproxímanos á ética a través dunha andaina filosófica onde se debulla, paso a paso, o complexo armazón de ideas e crenzas que constitúen o feito moral.