Tras máis de 26.000 exemplares vendidos, Flavita Banana pon o broche final á súa celebrada colección de Archivos cun volume que reúne máis de 200 páxinas das súas viñetas máis recentes. Archivos expiatorios mantén intacto o seu característico estilo gráfico e a súa capacidade para retratar, con agudeza e frescura, as luces e sombras da vida cotiá. Este libro é unha culminación e, á vez, unha celebración do seu talento. Un percorrido por momentos que espertan risas inesperadas e reflexións certeiras, con ese enxeño único que fixo de Flavita unha das grandes referentes do humor gráfico actual.