Mentres unha sufocante calor estival aletarga a cidade xaponesa de K, na mansión dos Aosawa celébrase unha gran festa de aniversarios de varios dos seus membros, entre eles o do cabeza da familia, médico de recoñecido prestixio e propietario dunha importante clínica. A velada parece transcorrer coa normalidade desas ocasións, ata que todo dá un repentino envorco cando os asistentes empezan a sentir mareos e convulsións. En poucos minutos, dezasete corpos, seis deles de nenos, xacen no chan, presuntamente envenados con cianuro nas bebidas. A única sobrevivente é Hisako, a filla pequena, e a única pista, un papel cun poema quizá deixado polo asasino. Hisako, que perdeu a vista tras un accidente, áchase entre as poucas testemuñas do masacre, pero apenas lembra nada: no seu confuso interrogatorio só fala dunha habitación azul, pequena e en penumbra, e flores brancas. Uns meses máis tarde, o mozo que entregou o sake aparece morto, cunha nota na que se declara culpable do crime masivo. A investigación péchase de forma abrupta, pero moitos están convencidos de que houbo outras persoas implicadas.

Título orixinal: Eugenia