Unha muller reencóntrase cun antigo amante, pero entre eles só queda un profundo baleiro. Outra sente que a soidade lle aperta o pescozo unha noite en Melilla. Unha familia debe abandonar a súa casa de madrugada para non morrer nun incendio. Un asasino contén a súa perversidade o día dos seus aniversarios. Un home imaxina á súa exmuller afrontando a cotiandade sen el. Unha parella enfróntase a unha decisión que dinamitará o seu amor mentres unha rata corretea polo portal da súa casa. Dous veciños conviven coa incomunicación e os prexuízos durante anos.Nestes relatos, gran parte deles inéditos, Lara Moreno aborda con sutileza os ángulos escondidos das relacións humanas e os temibles silencios que con frecuencia atravésanas.