Neste iluminador ensaio, Rafael Argullol traslada ao lector ao núcleo artístico da Italia do século XV, a Toscana, nun momento crucial da historia. As circunstancias políticas, económicas, sociais e culturais do denominado Quattrocento sentaron as bases dun dos episodios culturais máis transcendentes da nosa civilización: o Renacemento. Argullol analiza de forma rigorosa e amena as características plásticas, arquitectónicas e literarias do período, así como as tensións culturais que a irrupción do humanismo produciu na sociedade tardomedieval. Un achegamento tan fundamental como suxestivo ao lento pero imparable xurdimento do home moderno.