O pulso que dez rapaces inesquecibles e dous profesores botaron ao goberno indonesio ao obstinarse en manter aberta a escola que lles permitiría abandonar o estado de semiescravitude no que vivían converteuse nun relato estimulante que conquistou o ánimo de máis de cinco millóns de lectores.
Unha tradutora fíxose eco desta historia que estaba a revolucionar o arquipélago indonesio. Sen máis aliciente que facer partícipe ao mundo enteiro do que estaba a suceder nese país no que uns poucos truncaran o plan de políticos e dirixentes de acabar coa educación pública, gratuíta e universal, traduciu a novela ao inglés. Unha axente propúxose dar o salto internacional e convencer aos lectores de que esta historia era precisa, emocionante, universal e extraordinaria. Así conseguiu traducir A tropa do arco da vella a vinte e tres idiomas.

Tradución de : Laskar Pelangi