No cemiterio de Nador (Marrocos) hai centos de tumbas en cuxas lápidas non figura ningún nome. Só unha data, un número e unha marca que indica se o corpo que cobre é o dun home ou unha muller. Todas supoñen o final da historia dunha persoa migrante da África negra, que tratou de cruzar a nosa fronteira saltando o valo ou nunha patera. No seu intento, ademais da vida, roubáronlle a identidade.
Tras viaxar a Melilla e entrevistarse cos que si que lograron cruzar, o xornalista Sergio Illescas e o artista Mario-Paul Martínez relatan a vida daqueles que faleceron tentando chegar a España para buscar un futuro mellor, reconstruíndo a historias de cinco persoas migrantes que perderon a vida na traxedia de Melilla. Cinco persoas con nome, apelidos… e alma.
Esta novela gráfica conta coa axuda de cinco ilustradores afrodescendentes situados en diferentes partes do mundo, en cuxo talento gráfico respíranse as cores, as formas e a esencia do continente africano: Eusebio Nsue (Guinea Ecuatorial), Gabriel Castillo (República Dominicana), Shiroug Idris (Sudán), Zainab Fasiki (Marrocos) e Frank Xarate (Colombia). Un tributo que polo menos cinco deses centos de seres humanos que, como tantos outros desaparecidos en Melilla, seguen sendo «Los Nadie».