Organizar o menú, comprar os ingredientes, preparar as comidas e ceas para toda a semana... Se a isto sumámoslle ter que buscar sempre que todo sexa ecolóxico, que non leve glute ou lactosa, que non se solapen certos alimentos, que sexa libre de azucres e de aceites refinados, que haxa un tope de calorías por prato, que se fagan certos xaxúns... Dedicamos un tempo inxente a controlar a alimentación. Pero realmente estamos a coidar así da nosa saúde?

Na era da sobreinformación, estamos continuamente expostos a novos estudos sobre dietas, valores nutricionais ou tóxicos presentes nas nosas comidas, mentres as redes sociais énchense de persoas atléticas e sas que promoven novas modas alimentarias baseadas na súa maioría no autocontrol, a forza de vontade e un sentido de moralidade. Nunca tiveramos tanto coñecemento ao noso alcance sobre como coidarnos e, quizais precisamente por iso, nunca fora tan difícil logralo. Son tantas as voces que escoitamos respecto diso, que esquecemos escoitar a máis importante: a do noso propio corpo.