A vida de Mario estivo marcada por outros homes. Por Liam, o profesor dunha universidade americana que lle dobra a idade; por Rodrigo e Héctor, dous exmozos cos que comete a ousadía de facer a mesma viaxe; polo señor Oliver, co que se atopa anos despois do campamento de música no que traballaba como director e ao que o une a morte dun compañeiro; e polo seu pai, quen supostamente o debería coidar despois dun accidente de tráfico. A través da biografía sentimental de Mario e de todos os homes cos que se cruza e lle serven como espello, Adoración compón o retrato dunha masculinidade complexa, na que a difícil convivencia entre a ambición profesional e a devoción sentimental do protagonista atopan unha solución algo perversa. Esta é unha historia de amor, aínda que non sempre romántica, que mostra o lado máis desigual das relacións de parella: o que ten que ver co sexo levado ao límite, a inseguridade, o control, e, por suposto, a adoración.