Por que a fotosíntesis só aproveita o 0.08 % da enerxía solar dispoñible tras 3500 millóns de anos de evolución? Como é posible que os países ricos reduzan as súas emisións mentres o CO2; global segue aumentando? Por que os nosos avances en eficiencia enerxética non frean o consumo?
Este libro responde a estas preguntas non desde ideoloxías, senón desde as leis físicas que rexen a transformación da enerxía e a xeración inevitable de residuos. Con exemplos tomados da vida cotiá, o autor constrúe un argumento devastador contra a fe cega na tecnoloxía como solución aos nosos problemas ambientais.

Tras analizar a cantidade de enerxía que requiririamos para reciclar todos os nosos residuos, incluíndo o CO2, e os límites reais de captura enerxética mediante renovables, o libro enfróntanos a unha conclusión incómoda: o noso modelo económico choca frontalmente coas leis da física, e ningunha innovación poderá eludilas.