Unha muller e un home cítanse nun restaurante do distrito financeiro de Manhattan. Ela, unha actriz consagrada, está inmersa nos ensaios da súa próxima obra de teatro; el, atractivo e algo torpe, está empeñado en causarlle unha boa impresión á dama elegante e respectable que senta fronte a el e que podería ser a súa nai. Máis aló dalgúns momentos incómodos e das miradas reprobatorias de varios comensais, o encontro, do que resulta difícil pescudar que espera obter cada un, discorre con relativa normalidade ata que se abre a porta do restaurante e, desde a mesa do fondo, a muller distingue ao seu marido.

Este é o punto de partida de Audición, unha obra ambiciosa e brillante na que a trama, a estrutura e os personaxes interpelan ao lector e convídano a participar do xogo, nun vórtice narrativo que o atrapa e non o solta ata a última páxina. Nesta novela nada é o que parece e, ao mesmo tempo, o que parece o é todo: é o pasado e son os anhelos; os focos, o escenario e o éxito; é o amor, a fidelidade e a conformidade. Audición é puro espectáculo.

Tít. orixinal: Adition