Os textos reunidos en Por que algúns homes odian ás mulleres revelan a unha pensadora radical, lúcida e vibrante, en plena efervescencia do feminismo dos anos setenta. Desde as disputas ideolóxicas dentro do movemento ata as conversacións aparentemente triviais nun salón de peiteado do Upper West Side neoiorquino, serven a Gornick para capturar o pulso dunha transformación histórica. E sérvenlle ademais para reflexionar sobre as diferenzas entre as ondas feministas, denunciar a misoxinia soterrada –e non tanto– en autores consagrados como Norman Mailer, Saul Bellow ou Philip Roth, e defender o poder político do testemuño persoal nos grupos de autoconciencia, onde o privado vólvese revolución. Este libro non é só a crónica dunha época: é unha cartografía da resistencia, unha chamada a non baixar a garda, unha guía de combate. En tempos nos que o feminismo volve ser desafiado por vellos e novos reaccionarismos, estas páxinas lémbrannos que ningunha conquista é irreversible e que a autonomía das mulleres segue sendo, para moitos, unha ameaza intolerable. Con prosa incisiva, Gornick analiza como se constrúe o poder masculino, como se transmite a submisión feminina, e que ocorre cando unha muller empeza a ver a súa experiencia persoal como parte de algo maior.