Queda declarado o estado de alarma. E que ninguén diga que non o viu vir. Ínstase á poboación a non saír de casa, salvo para acudir aos seus postos de traballo ou para adquirir bens de primeira necesidade, así como a respectar a distancia de seguridade de polo menos un metro entre persoas. Os individuos que habitan estas páxinas, con todo, van seguir relacionándose traballosamente. Comfortless é a crónica dunha apocalipse íntima e individualizada. Un relato a varias voces sobre a conveniencia, o proveito, o libre albedrío e as responsabilidades individuais. Un mosaico pormenorizado de todas aquelas inercias que nos compoñen e que fan de nós exactamente isto que somos. -- contracuberta