Descobre porqué cambiou tanto o noso planeta desde a Idade de Xeo ata hoxe e como evitar o quecemento que vén.

Pensaches algunha vez na sorte que temos ti máis eu de estar neste planeta, baixo unha atmosfera que nos protexe e permítenos respirar, xogar, pensar? O clima fai posible que se desenvolva a vida tal e como a coñecemos.

Con este libro aprenderás como cambiou o clima desde as orixes do noso planeta. Imaxínache unha temperatura tan alta que non poida existir auga líquida e logo pensa nun planeta tan, tan, tan frío que case estea cuberto de maneira total dunha grosa capa de xeo. Pois, aínda que che pareza imposible, ese planeta é o mesmo: a Terra, só que en distintas fases da súa longa historia.

Pero a parte máis interesante, máis incrible e máis difícil da ciencia meteorolóxica é asomarse ao futuro, anticipar que pode pasar mañá no tempo. Aprenderás como o pescudan os científicos e que aplicacións pode ter a IA na ciencia climática.

É un feito que o clima se está quentando e que o do futuro será aínda máis cálido que o actual se non se pon freo á emisión de gases de efecto invernadoiro.

Entender o noso clima é o primeiro paso para mellorar a nosa relación con el e para asomarnos ao futuro cargados de coñecemento: a mellor arma para vencer ao medo.