Mediante unha elaborada e precisa linguaxe poética, Antes pasábase por aquí aborda e universaliza temas, historias e costumes dunha terra que ten como primordial referente o seu propio lugar de nacemento. O libro achéganos á grande fractura do éxodo rural, do sentido e das emocións dun pobo, coas súas xentes, mostrándonos a polémica da súa vida interior, o seu despoboamento e, con atinada sutileza, a gradual desaparición ou morte do mesmo.