A técnica do "storytelling" en papiroflexia consiste en contar unha historia mentres se prega un modelo de papel. Deste xeito, as formas que se van obtendo lémbrannos obxectos cotiáns e o proceso de encartado é divertido e entretido. Doutra banda, o fío condutor da historia facilítanos lembrar os seus pasos. Este libro pódese utilizar de moitas maneiras. Se desexas utilizalo como un conto tradicional, podes facelo así! Se desexas contar a historia mentres ti e os que te escoitan encartades un modelo de papiroflexia, podes facelo así! Se desexas montar todo un teatro de papel, podes facelo así! E se, ademais, desexas facer actividades lúdicas de matemáticas para explorar o papel mentres vos poñedes na pel de varios personaxes, podes facelo tamén así! Agora, pois, tócache elixir.