Contén códigos QR con acceso ás páxinas web da Fundación Tubb4a e coa Asociación ELA España

Neste libro que brilla con luz propia, o amor ocupa un lugar preponderante, o amor dunha irmá por unha nena cunha enfermidade rara chamada leucodistrofia que lle impide moitas cousas, pero que lle permite moitas máis. E diso trátase este amor feito palabras, de contar o que si se pode, de ter unha mirada positiva pensando en todo o que hai por diante por conseguir, no esforzo que fan as familias para que estes nenos de vida tan singular tamén poidan ter unha infancia o máis normal posible, respectando as diferenzas e o que os fai únicos. O libro móstranos a multitude de cores que se poden despregar ao redor dunha historia que, no canto de ser triste ou de desánimo, está chea de luz e esperanza, de novos camiños e aventuras por descubrir.

Premio Valores 2024 de Tribuna Grupo