Asher Vega, estrela da Fórmula 1, está ao bordo do abismo: un pasado que o atormenta, patrocinadores que ameazan con abandonalo e un equipo ao límite da paciencia. Para salvar a súa carreira, terá que aceptar o que máis detesta: ceder o control.
Chiara Roux non fuxiu para salvar a ninguén. Deixou atrás unha vida que non a enchía e viu en Altrossa a oportunidade de empezar de novo. O que non esperaba era enfrontarse ao piloto máis insufrible do circuíto nin que el fixese do seu traballo un auténtico desafío.
Entre enfrontamentos constantes e segredos que ningún quere confesar, Chiara e Asher descubrirán que non basta con fuxir para escapar dun mesmo. Porque cando dúas almas rotas chocan, o resultado pode ser tan caótico como inevitable.
Unha tempada para xogarse todo. Dous corazóns que tentan recompoñerse. E unha liña que nunca deberían cruzar.