Na vida e na obra de Rosa Chacel (1898-1994) o gran xogo das paixóns humanas adquiriu unha transcendencia singular que se impón a pesar de a súa expresión sempre elidida. Chacel, a mestra literaria da elipsis. Autora de culto por novelas máis eloxiadas que lidas, creadora de relatos excepcionais, biógrafa da súa propia infancia, casada co pintor Timoteo Pérez Rubio, icona a pesar seu do exilio republicano, mantivo un pulso permanentemente conflitivo consigo mesma.

Íntima Atlántida propón un esclarecedor percorrido pola vida de Chacel —un berro na noite—, restituíndose por primeira vez aquilo que mantivo en segredo longo tempo. Un continente demasiado mergullado no descoñecemento e que agora ve a luz. Esta biografía é un minucioso traballo de encaixe de citas, cartas, documentos, testemuños e investigación que permitiron dar conta da súa evolución vital e das pantasmas que a mantiveron atada ao seu pasado.